रचनाएं

अर्हम्

 साध्वी प्रबलयशा 

गुरु ऊर्जा रो रंग खिल्यो, संथारो दीपायो।
अंतर गुलशन महक्यो, संथारो मनभायो॥
मनभायो रे सतीवर मनभायो।
मनभायो रे त्याग मनभायो।
गुरु ऊर्जा रो---।

चौविहार अनशन री महिमा, सगला मिलकर गावै है-3
मृत्यु ने महोत्सव बणायो,
सुर-नर शीश झुकावै है-2
शुद्ध भावां रो अभिनंदन, आत्मा ने चमकायो॥

लंबी उमर, लंबो संयम,
धन्य-धन्य सतीवर जी आप-2
खानदेश री लाड़ली ने
मैली चादर धोयी साफ-2
शहादा री शान बढ़ी, गणगौरव सुखदायो॥

प्रबल पुण्याई जागी आपरी
तप री सौरभ महकावै-2
मीठी बोली, स्नेह आपरो
भूल्यो कियां है जावै-2
सुयश फैल्यो चिहूँ ओर, गुरुकृपा रो सायो॥

सहयोगी सतियाँ के कहणो
चित्त समाधि देव जोर-2
गदक रो भी भाग्य जाग्यो,
गुरुकृपा स्यूं उजली भोर-2
मुक्‍ति महल पेढी, चढ्या मन हरषायो॥